தேசிய குடிமக்கள் பதிவேடு அசாமில் தயாரிக்கப்பட்டாலும், இது இந்தியா முழுவதற்கும் விரிவு படுத்தப்படும் என்று உள்துறை அமைச்சர் அமித்ஷா திட்டவட்டமாக தெரிவித்துள்ளார். இது நாடு முழுவதும் மறைந்து வாழும் சட்டவிரோத குடியேறிகளுக்கு பெரும் கலக்கத்தை ஏற்படுத்தியுள்ளது. குறிப்பாக மேற்கு வங்கத்தில். அசாம் மாநிலத்தில், 19 லட்சம் பேர் என்றால், மேற்கு வங்கத்தில் எத்தனை லட்சம் பேர்? ஒரு சிறிய கணக்கீட்டின்படி 80 லட்சம் முதல் ஒரு கோடி பேர் வரை இருக்கலாம் என்கிறது தோராய மதிப்பீடுகள்.
இந்த சட்டவிரோத குடியேறிகள்தான், வங்கதேசத்தின் பல பகுதிகளில் சமூக அமைதிக்கு பங்கம் ஏற்படுத்துகின்றனர். இவர்களுக்கு, மம்தாவின் திரிணாமுல் காங்கிரஸ் முழு ஆதரவு கொடுக்கிறது. இதனால், தேர்தல் வெற்றிக்கும் இவர்கள் மிகப் பெரிய பங்களிப்பு செய்கின்றனர். இவர்களது, அட்டகாசம் பொறுக்க முடியாத, மேற்கு வங்க இந்துக்கள், கடந்த லோக்சபா தேர்தலில் அணிதிரண்டு, பாஜவுக்கு தங்கள் பிரமாண்ட ஆதரவை அள்ளிக் கொடுத்தனர். அதனால்தான், 18 தொகுதிகளில் பாஜவும் வெற்றிபெற முடிந்தது என்பதே உண்மை. இதைப் புரிந்து கொண்ட பாஜ, மேற்கு வங்க மாநிலத்தை, வங்காள குடியேறிகளிடம் இருந்து மீட்க கங்கணம் கட்டியுள்ளது.

குறிப்பாக, அசாமில் இதன் தாக்கம் மிகவும் மோசமாக இருந்தது. 1980களில் அசாம் மக்களின் வேலை வாய்ப்பின் 60 சதவீதத்தை வங்கதேச குடியேறிகள் தட்டிப் பறித்ததாக கூறி, உள்ளூர் மக்கள் குற்றம் சாட்டினர். இதனால், படித்த, படிக்காத அசாமியர்களுக்கு வேலை வாய்ப்பை பெறுவதில் சிக்கல் ஏற்பட்டது. அரசியல், கல்வி, சமூகப் பொருளாதரத்தில் தாங்கள் பாதிக்கப்படுவதாக உணர்ந்த அசாமியர்கள், வங்கதேசத்தவர்களை அசாம் மாநிலத்திலிருந்து வெளியேற்றக் கோரி, அனைத்து அசாமிய மாணவர் அமைப்புகள் பெரும்போராட்டங்களும், வன்முறைகளும் மேற்கொண்டனர்.